Công an xã Đắk Liêng, n’gor Dak Lak mhe dơn du mblâm nkôn Java tă bah nuĭh ƀon lan ndơ̆ êng. Bah năp nê, wa Y Diêm Hlong (deh năm 1980, gŭ buôn Knac, xã Đắk Liêng) saơ du mblâm nkôn lăp tâm mpêr rnăk he. Năl aơ lah ntil ndơ mpêt khlay ân dơi mât njrăng, wa Y Diêm hŏ lor ndơ̆ êng nkôn dja tât Công an xã gay jao an. Nkôn Java jâk nklăp 2,2 kg, dôl nha hôm rêh ngăch dăng.

Công an xã Đắk Liêng hŏ kan nsum đah Hạt Kiểm lâm nkual Lắk, UBND xã n’hanh Ntŭk mât rong – Thú y nkual Lắk nchih siƀŭt dơn, ƀư lôch jêh siƀŭt gay hăn mƀơk tay nkôn tâm bri tĭng di nău way. Mpeh nău ndơ̆ jao êng ndơ mpêt khlay mpơl nău gĭt wât êng mât njrăng mpô mpa bri bah nuĭh ƀon lan ta ntŭk nar lơn ma dơi n’hao prêh.