VOV4.M’nông: Ta Gia Lai a[aơ hôm âk ơm ntung nkra êng, ndâk [ư đah ăp tơm si gay ma hăn njo\, luh mir, lo\ kơl an nau kan văng sa tâm âk [on lan. Ăp ntung aơ mra geh âk nau roh đăp mpăn rnôk njo|, ngăn lah tâm yan mih dak lip. Bol ma tâm ăp năm rlau aơ, đah âk bôk nau kan, n’gor Gia Lai ko\ nkra âk ntung nâp 85 ntung hăn tâm ăp xã nkuăl jru, nkuăl ngai, yơn hôm ê to\ng ơm nau u\ch hăn ro, đăp mpăn ân nau rêh ndrel drăp ndơ bah [on lan.

Ntơm âk năm ma aơ, nu\ih [on lan tâm Plei Hde, xã Đắc Tơ Ve, nkuăl Chư Păh, n’gor Gia Lai mro rdâng đah ăp ntu\k mra geh nau khuch lah rnôk hăn ro tâm ăp ntung njo\ dak me Kron. Gay tât mir, ăp nar rlau 50 rnăk tâm [on hăn njo\ trong ntung geh nkra nklă nklel đah ăp rse mô nâp. Wa Bêng, rnoi Banar, ta Plei Hde ân gi\t, klach ngăn lah tâm yan mih dak lip:

“ Gi\t lah mra geh nau krit njê đo\ng, yơn lah [on lan hên hôm nsôih njo\ tâm ntung aơ dơm. U|ch ân ngih dak kơl an, nkra ân ntung êng ân ueh gay kônh wa hăn ro ân ueh lăng lơn”.

Ta xã Chư Gu, nkuăl Krông Pa, knu\ng du trong dak jong rlau 1km yơn geh tât 3 ntung geh [on lan ndâk nkra êng gay ma rlet dak me Sông Ba gay ma hăn luh mir. Ăp ntung aơ geh nkra ma tơm si, loih mô lăng nâp, hvi nklăp du mét ndrel mô geh mpir meng. Ti\ng wa Ksor Bril, Plei Chư Bang, xã Chư Gu, nkuăl Krông Pa, yor ntung mô nâp ma nau rêh văng sa bah kônh wa tâm nkuăl mô dơi hun hao, ko\ nthông ti\ng ntung tâm ăp yan mih dak lip:

‘Kônh wa ro\ hăn ntung aơ ri geh rnôk dak păng klôn du đo\ng, jêh ri kônh wa lo\ nkra tay. Yơn nkra nkra ri ko\ kơt nê, mô nâp ơm. Geh ndeh, geh nu\ih tu\p nkre tâm dak ro, khuch ngăn tât nau rêh bah kon nu\ih kơt nê”.

Wa Ksor Thép, Groi Kruanh UBND xã Chư Gu, nkuăl Krông Pa, n’gor Gia Lai ân gi\t, lah xã knu\ng [ư lo\ mir ndrel neh tuch tăm ri âk ngăn lah đah ri dak me Ba, yơn xã ê geh ntung nâp gay ma hăn. Ăp ntu\ng geh nâp ngăn ri geh du mlâm ma tâm xã êng ri kônh wa hăn ngai rlau 10km. Yor ri ma kônh wa ho\ nkra êng ntung gay ma hăn ro. Gi\t đo\ng geh nau khuch, yơn xã mô dơi mô ân ôh kônh wa hăn ro trong nê:

‘Rnôk mih, dak li têh ri n’gâng kan tâm nkuăl mô ân kônh wa tâm xã hăn ro ôh. Yơn yor nau u\ch bah kônh wa gay hun hao văng sa, nchâp dă bu ân hăn ro yor ri nơm mô dơi rdâng. Bah nau mâp [on lan ăp năm ri kônh wa u\ch Ngih dak ntuh kơl nkra ntung gay ma hăn ân đăp mpăn nau rêh kônh wa”.

Wa Lê Văn Hạnh, Groi giám đốc [ư nau kan Gung trong nchuăn rdeng n’gor Gia Lai ân gi\t, đah nau geh lah du n’gor nkuăl yôk, neh ntu têh hvi ndrel âk dak me dak jăng, tâm n’gor u\ch geh âk ntung ân [on lan hăn. Yơn lah, dah tơm prăk mô geh âk, n’gor knu\ng kra geh du đê| ntung nju\ng tâm ăp xã nkuăl jru ngai. Ngăn lah tâm ne êgh 85 ntung hăn tâm bôk nau kan Lramp-bôk nau kan ndâk nkra ntung hăn kơl an kônh wa nu\ih rnoi mpôl đê| yor Ngân hàng lam ntur neh kơl an. N’gor Gia Lai dôl ma mi\n gay đă N’gâng kan gung trong nchuăn rdeng gay lo\ ntuh kơl nkra tay ntung tâm ăp ntu\k gay kơl nau hăn ro bah nu\ih [on lan:

‘Tâm nkuăl ko\ geh đo\ng ntung dah ma nkra êng, ma mô saơ geh nâp ôh, mra khuch hô ngăn Tâm rnôk hăn ro ri păng mra pă, mra rlâm mô lah ăp ntu\k dak me, dak jăng nê rnôk mâp dak lip ri mra geh dak klôn rdu đo\ng. Bah năp nau nê, N’gâng kan gung trong nchuăn rdeng kơl nchră nau ân UBND n’gor đă mra ntop tay ăp ntung hôm e ma ê geh tâm bôk nau kơl an Lramp gay do\ng têm nau kan aơ ndrel ma đă N’gâng kan gung trong nchuăn rdeng lo\ manh prăk bah Ngân hàng lam ntur neh gay ân rơh ba kơi bah bôk nau kan aơ”.

Ăp ntung aơ bol ma ro\ng nkra êng đah tơm si nklă nkel, yơn geh nau khlay ngăn tât nau rêh văng sa, ăp nau kan bah nu\ih [on lan tâm nkuăl jru, nkuăl ngai bah n’gor Gia Lai. Tâm rnôk ê geh [ư nâp ăp ntung aơ, n’gâng kan tâm nkuăl ân geh ăp nau kan gay ma mât ân dăp mpăn ân [on lan, der ăp nau tât khuch mra geh tât./.

Nu\ih rblang: H’Thi