VOV4.M’nông: Thủ tướng Chính phủ mhe geh nau njoăl đă ăp N’gâng kan, ntŭk kan “Mpeh nau n’hao nau kan ndak njrăng rdâng ŭnh sa bri”. Nau ntrŭnh đă: Kruanh UBND ăp n’gor, nkuăl ƀon têh tâm Trung ương ngăch rđau, ntrŭnh ăp nau kan ndal kơt: Ƀư ân rjăp nau kan mât mpeh nau kan njrăng, rdâng ŭnh sa bri, n’hao nau kan mêt n’ôi, uănh mpeh nau mpuh n’hât ŭnh sa, uănh aơ lah nau kan tơm; Uănh tay nau kan bah rmôt kan, ndơ dŏng, tơm prăk gay ƀư ueh nau “4 ta ntŭk”, mbơh pă nau kan rmôt kan kơl njrăng rdâng tâm 24/24 mông tâm lôch yan vai, pă nŭih mât njrăng, mêt uănh tâm ăp nkuăl vay geh ŭnh sa bri, nkân njrăng nŭih luh lăp tâm bri ntŭk mra geh ŭnh sa, năn saơ ntŭk ŭnh sa bri, rgum rmôt nuĭh râng rdâng ndrel mpuh n’hât lơi ŭnh tâm gleh mông, mô ân geh ŭnh sa têh, Ân geh nau nchrăp kan ƀư ntrơn ƀon lan du lah nau tât jêr, N’hao nau nkoch trêng, ntĭm mbơh n’hao nau mĭn, nau kan tâm nau njrăng, rdâng ŭnh sa bri./.

Nŭih rblang: H’Thi