VOV4.M’nông – Tĭng mĭn ƀư mhe khoa học lam ntŭr neh GISAID, nău rgâl kaman phit klach Lambda đah dơi chŏl vaccine Covid-19, aƀaơ lĕ rêng hvi tât 41 dak ta lam ntŭr neh. Ntil kaman Lambda rơh bôk năp dơi saơ ta Peru tâm khay 11 năm 2020-hôm dơi kuăl lah C.37, dôl geh jêng rgâl mhe âk ta Nam Mỹ n’hanh ƀư rnoh nuĭh ntưp hao âk ta Argentina, Colombia, Ecuador, Chile, Uruguay n’hanh Paraguay. Rmôt kan dak si lam ntŭr neh (WHO) lĕ rblang ntil kaman Lambda lah “Ntil kaman dôl uănh tât”-Rgâl ntil kaman geh ntôn dơi ntưp âk lơn nkôp đah ntil kaman bôk năp mô lah dơi chŏl vaccine âk lơn. Rnôk geh tay aơ saơ du ntil dơi geh n’ăp lĕ 2 ntil bah lơ, pơng mbra dơi rblang ntil tay lah “rgâl ntil kaman dôl klach rvê”.

Nŭih rblang: Y Sưng Phê Ja