VOV4.M’nông: Lvang năm 2015 tât rnôk aơ, Công ty Cổ phần si\k Quảng Ngãi lah ntu\k kan ntuh kơl têh ngăn tâm n’gor Gia Lai đah tơm prăk rlau 3.600  rmen. Ăp bôk nau kan Công ty [ư ko\ geh nau dơi têh bah neh dak. Tâm nê, bôk nau kan n’hao nau dăng ngih máy si\k An Khê đah tơm prăk nklăp 1.200 rmen ho\ kơl an ngih máy geh nau dăng têh ngăn tâm neh dak a[aơ đah 18.000 tấn tao/nar, bôk nau kan ngih máy Điện sinh khối An Khê đah tơm prăk rlau 2.400 rmen lah nau kan điện sinh khối geh rnoh dơi neh dak, đah nau dăng nkra 95mW. Ăp bôk nau kan aơ n’hanh dôl rgop nau so\k do\ng ân geh săk rnglay nau geh jêng ko\ kơt lah hun hao văng sa, rêh jêng bah nkuăl. Wa Nguyễn Văn Hảo, Groi giám đốc ngih máy si\k An Khê, công ty cổ phần si\k Quảng Ngãi, ngơi:

 ‘Ăp bôk nau ntuh kơl ta n’gor Gia Lai bah công ty cổ phần si\k Quảng Ngãi ntơm năm 2015 tât a[aơ ho\ geh săk rnglay. Đah ăp bôk nau kan ba lơ nê, ho\ pơk jêng nau dơi ueh n’hanh rklaih ntu\k tăch ân âm rmư rnăk tuch tăm, tăch rgâl si\k tao. Ndrel ma nê, âk rhiăng ngih máy rgop du gưl têh tâm tơm prăk ko\ kơt lah rklaih pă kan pah ân nkuăl”.

Nau ranag kan ngăn bah ăp ntu\k kan ko\ kơt lah ntrong kan ăp ngân hàng ho\ pơk jêng ăp nau rgâl mhe bah jâng văng sa, rêh jêng bah Gia Lai n’hanh nkuăl Tây Nguyên rơh mhe rlau. Bah năp 2015, Quốc lộ 14 geh uănh lah ntu\k kol tâm nau hun hao văng sa bah Gia Lai lah êng, Tây Nguyên lah snum. Yơn lah, trong aơ a[aơ ho\ geh ntuh kơl têh mhe ndrel pơk hvi, kơl ăp n’gor tâm nkuăl tâm nthoi nơih đah ăp n’gor Đông Nam Bộ. Wa Hoàng Văn Trung, Groi Tổng giám đốc Công ty Quang Đức Gia Lai ân gi\t, công ty ndơn ntuh kơl nkra 24 km trong Hồ Chí Minh rlet Tây Nguyên đah tơm prăk bơi tât 840 rmen. Đah kan ngân hàng [ư ti\ng nau tin, bôk nau kan ho\ jêh lor nau ơm:

 ‘Phung hên geh Ngân hàng Viettinbank pă rnoh ân manh prăk lah 85%. Tâm rnôk [ư nau kan, Viettinbank pă manh ăp to\ng tơm prăk ton ân manh. Bah nê, pơk trong nơih ân phung hên ntru\nh kan. Dăch du\t, bôk nau kan jêh bah năp nar 30/6/2015, rlet nau nchrăp 6 khay rđil đah hợp đồng BOT ho\ ký ton”.

Ăp rơh r[u\n nchră ntuh kơl geh [ư dăch aơ, mô êng lah rơh gay nkuăl joi tơm kan, joi ăp nu\ih ntuh kơl. Nê hôm lah rơh gay n’gor uănh ngăn mpeh nau geh jêng, nau dăng ko\ kơt lah nau dôl geh bah ntu\k ntu, nau ntuh kơl. Bah nê, n’gor mra kơl nchrăp luh ăp nau kan mpeh săm [u\t ân kan, n’hao nau ntul rlong, ntru\t dăng nau rgum ntuh kơl./.

Nu\ih rblang: H’Thi