VOV4.M’nông: Kruanh n’gâng kan neh dak Ixrael Ben-ny Găn mhe nkah nau tâm lơh đah Ixrael ndrel ăp rmôt tahen tâm nkuăl Gaza dôl geh nau ntoh luh tay. Wa Ben-ny Găn lah, Gaza lah du ntŭk geh nau duh ngăn ndrle geh nau tât mra mô ueh lơn. Israel mro ƀư nau kan ndrel uănh năl âk jât ntŭk nchrŏng lơh. Wa Găn nkah đă Ha-mát mô dơi mêt uănh nau kan tahen bah Israel. Nau ton lah bah wa Găn ndŏ luh jêh geh âk nau ntô̆ play bóng ƀư ŭnh sa tă bah Gaza tât mpeh Israel lơh jêng ŭnh sa tâm mpeh ba dâng dak aơ tâm 2 pơh rlau aơ. Tahen Israel hŏ lơh mplŏ đah nau pănh phao tâm ntrong phao ŭnh ndrel ntŭk gŭ bah Ha-mát tâm Gaza./.

Nŭih rblang: H’Thi