VOV4.M’nông: Du nau mĭn mhe aơ ta Hàn Quốc ân saơ, nau tâm rgop 2 ntil dak si vắc xin njrăng rdâng srê Covid-19 Astrazeneca ân tŏ chuh bôk năp ndrel Pfizer đah tŏ chuh tal 2 ƀư nau dăng lơi nau rdâng đah kman hao tât 6 tŏ rđil đah nau knŭng chuh 2 ding Astrazeneca. Nau mĭmn mhe geh ntơm rlong đayh 449 nŭih nai dak si, tâm nê 100 nŭih geh chuh 2 ntil, 200 nŭih chuh vắc xin Pfizer ndrel rnoh hôm e lah chuh Astrazeneca. Ăp nŭih kŏ dơi rdâng châl đah kman tâm săk, ngăn lah rmôt chuh tâm rluk. Tĭng nau uănh bah Ntŭk kan nkân njrăng ndrel njrăng srê ji Hàn Quốc, nau mĭn kŏ mbơh kloh nau kan mô hôm dơi rdâng đah srê tơm dôl geh rvê. Tâm rnôk nau pă vắc xin mô âk tâm lam ntur neh, nau pă mô tŏng gay nŭih ƀon lan tŏng chuh 2 dĭng vắc xin ndrel ntil ân rnôk tât nar chuh, du đê̆ dak kơt Ca-na-da, Đức, Pháp, Na-uy mô lah Hàn Quốc…kŏ dŏng tâm rgop nsum 2 ntil vắc xin Covid-19 êng êng gay ma chuh 2 ding ân nŭih ƀon lan đăp mpăn nau dơi njrăng srê ji./.

Nŭih rblang: H’Thi