VOV4.M’nông: Nau văng sa bah nkuăl Châu Á lŏ geh ăp nau kan ndâk njêng ueh jêh rnôk rnoh geh công nghiệp bah ăp jâng văng sa têh kŏ hao dăng tâm ăp khay dŭt năm 2021. Tĭng nau mbơh mhe ngăn, rnoh geh nau kan công nghiệp tâm ăp jâng văng sa têh tâm nkuăl Châu Á kơt Trung Quốc, Nhật Bản ndrel Hàn Quốc hŏ hao prêh âk ngăn tâm ăp khay dŭt năm 2021. Tâm Trung Quốc, rnoh ƀư nau kan công nghiệp bah dak aơ lŏ hao dăng tâm khay 12, kơl an n’huch nau jêr ân jâng văng sa têh tal bar lam ntur neh dôl rdâng đah nau tăch rgâl dôl ma n’huch hô. Tâm Nhật Bản, rnoh công nghiệp hao âk tâm khay 11, tâm rnoh 7,2% rnơm nau ndâk bah nau nkra ndeh ô tô. Hàn Quốc kŏ kơp dơn rnoh hao đăp mpăn, ăp nau geh ân saơ nau kan ê nkra dôl ma hao âk tâm rnôk âk nau jêr tâm ăp nau pă dŏng kŏ n’huch đŏng./.

Nŭih rblang: H’Thi