VOV4.Mnông-  Chuh n’gang lĕ kơl an n’gâng kan wăng sa hao tay. Nĕ lah nău uănh năl bâh Ngân hàng Trung ương Pháp ta rơh rƀŭn nchră mbơh tơih ta nar 13/9. Ntŭk kan aơ lĕ mbơh ndơ̆ ăp nău nchroh ueh mpeh nău dơi n’gâng kan wăng sa Pháp lôch tă geh nuh srê dơi njrăng. Ngân hàng Trung ương Pháp an gĭt, n’gâng kan wăng sa dak aơ dôl ndâk nsơm têh dăng, mbra hao ta rnoh 6,3% tâm năm 2021, nĕ lah âk lơn 5,75% dơi geh tâm 6 khay bôk năm. Nău wăng sa hao nkre ma geh âk tay nău kan an ƀon lan. Nchrăp, mbra geh klâp ma 289 rbăn nău kan mhe geh ƀư tâm năm 2021 n’hanh 142 rbăn nău kan ta năm 2022. Yơn lah, rnoh roh nău kan ta Pháp mbra ta rnoh 8,1% yor rnoh nău kan mhe geh njêng ê hŏ tŏng an nuĭh ŭch geh nău kan.

Nuĭh rblang: Thị Đoắt