VOV4.M’nông - N’gâng kan New Zealand mbơh mbra ntơm dŏng sam ƀŭt kơp dơn vaccine njrăng n’gang Covid-19 ƀư “Nkô̆ nău nchâp nkol” an nuĭh ƀon lan râng ăp nău ƀư têh n’hanh âk ntŭk pâl rlưn ntơm bah khay 11 tât. Nău ntrŭnh dơi an tâm rnôk neh dak aơ dôl rdâng đah trong chôt srê mhe yor ntưp rêng bah ntil kaman Delta. Ntoh ngơi bah năp nuĭh nchih nău, Thủ tướng New Zealand mĭn lah, neh dak aơ an ntlơi trong nchrăp “mô geh nuĭh ntưp” jêh rơh ntoh bah ntil kaman Delta. Yor nê, nău kơt dŏng sam ƀŭt kơp dơn chuh mbra nchâp đă ta ăp nkual rgum âk nuĭh kơt: ntŭk pơk phim, ntŭk tăch rgâl têh, lễ hội âm nhạc bah dih ntơm bah bôk khay bah kơi. Yơn lah, tĭng ăp ntŭk kơt siêu thị n’hanh ngih dak si mbra mô dơi kơt dŏng nău ntrŭnh aơ.

Nuĭh rblang: Y Sưng Phê Ja