VOV4.M’nông – New Zealand mbra pơk mpông n’har bri n’hanh an nuĭh ƀon lan ăp dak êng lăp gŭ ntơm bah năm bah năp tĭng du trong mhe dơi mbơh ôi 12/8. Tâm du nău ngơi, Thủ tướng Jacinda Ardern mbơh bah aƀaơ tât dŭt năm chính phủ mbra nsrôih chuh vaccine Covid-19 an âk nuĭh ƀon lan, nkre rlong ƀư ntrong kan nkhah êng ta jay đah ăp nuĭh lĕ dơi chuh. Thủ tướng Ardern an gĭt, bôk nău kan chuh vaccine mbra dơi pơk hvi an ăp rmôt năm deh. Bah nar aơ 13/8, rmôt nuĭh ƀon lan rlău 50 năm deh mbra dơi chuh vaccine n’hanh bah nar 1/9, ăp nuĭh tâm rnoh năm deh chuh mbra dơi chuh vaccine. Nkre, Thủ tướng Ardern an gĭt, tâm khay tât, ăp năch pâl nđaih lĕ chuh tŏng ăp n’hanh tât bah ăp dak geh srê đêt rnôk lăp gŭ New Zealand mbra mô an nkhah êng rgum, ndơn ma nĕ mbra dơi nkhah êng ta jay.

Nŭih rblang: Y Sưng Phê Ja