VOV4.M'nông: Chính phủ New Zealand n'glêh an ntơm bah khay 12 tât mbra dŏng trong kan mhe gay rdâng lơh đah Covid-19, nkre ntrŏng mbra rêh nsum đah nuh srê. Nar 22/11, Chính phủ New Zealand an gĭt mbra ntơm dŏng rpaih mât njrăng Covid-19 ntơm bah măng 2/12 tât. Nău dja tâm ban đah nău New Zealand mbra dŏng ăp trong mƀơk lhoi mpă wêl, rdâk tay nău kan ƀư njêng, pơk nhih nti n'hanh ntrŏng rêh nsum đah nuh srê. Tĭng trong rdâng lơh Covid-19 mhe, New Zealand mbra dŏng pe rnoh mbơh njrăng lor nuh srê lah gưl gŭr, êr n'hanh ư̆r, tâm ban đah geh ma nău ntưp rêng nuh srê lam ƀon lan. Nău dŭt njrăng tâm trong kan dja bol ma nuh srê geh ma nău ntưp rêng âk ri ăp doanh nghiệp mbra hôm dơi an kan đŏng./.

Nuĭh rblang: Điểu Thân