VOV4.M'nông: Chính phủ New Zealand mhe ton kơl n'hao âk rnoh rgop hao rlău 4 tơ̆, hao rnoh 1,3 rmen đôlar New Zealand, tâm ban đah 920 rkeh đôlar Mỹ, gay kơl dak dôl hun hao rdâng lơh đah ăp nău tât khuch bah rgâl duh nđik trôk nar. Rnoh ndơ kơl dja mbra dơi chính phủ New Zealand an ƀư tâm âk trong nchrăp kan n'hanh ma ăp mpôl kan dak bah dih, tâm nê geh Prăk nkrem rgâl duh nđik trôk nar bah Liên hợp quốc. Tĭng nău mbơh bah chính phủ New Zealand, nklăp du n'gul lĕ rngôch rnoh prăk kơl mbra dơi njuăl tât ăp dak tâm nkual Thái Bình Dương. Tâm du nău mbơh ndơ̆ luh nar 18/10, Thủ tướng New Zealand Jacinda Ardern lah rjăp chính phủ bah păng mbra ƀư lĕ n'hâm suan gay ntop kơl ăp dak geh tât khuch bah rgâl duh nđik trôk nar./.

Nuĭh rblang: Điểu Thân