VOV4.M’nông – Nar 7/5, ta quảng trường đỏ Matxcơva-Nga lĕ ƀư nar n’glôch jêh nchrăp an ƀư duyệt binh nkah gĭt 76 năm Lơh dăng phát-xít. Gay nchrăp an ƀư duyệt binh lơh dơi, tă aơ rlău du khay, ăp tahen n’hanh ndeh tâm lơh lĕ jêh tiăr nti ta Alabino ta bah dih Matxcơva, jêh nĕ 2 nar nti tâm ăp măng 29/4, 4/5 ta quảng trưởng Đỏ n’hanh ôi 7/5 n’glôch jêh tiăr nti. Tĭng n’gâng kan mât njrăng bri dak Nga, ăp rơh nti lĕ dơi ƀư đah tĭng rjăp lĕ rngôch ăp nău way n’hanh nău ntrŭnh mpeh nkhah êng. Ăp tahen dơi ŭch chuh êng vaccine njrăng srê Covid-19 tŏng ăp. Tĭng N’gâng kan mât njrăng bri dak Nga, rlău 12,5 rbăn nuĭh, rlău 190 ntil ndrăk nsiu n’hanh ndoh ndơ mbra râng duyệt binh nkah gĭt 76 năm Nar lơh dơi, tâm nar 9/5. Rlău ma Matxcơva, ăp rơh hăn ƀư nkah gĭt 76 năm lơh dơi tâm rơh tâm lơh tâm su mât njrăng bri dak têh mbra dơi ƀư ta 27 nkual ƀon têh êng bah dak Nga.

Nŭih rblang: Y Sưng Phê Ja