VOV4.M’nông: Kruanh n’gâng kan nchră nau dak Nga Sergei Ryabkov lơ 14/4 ndŏ luh nar n’glŏ dŭt gay đă Mỹ ƀư kloh nau kan mpeh nau tâm ton trong trôk. Lah Mỹ mô rgâl nau mĭn kan, Nga mra rhuăt luh bah nau tâm ton aơ. Nau ton lan geh Kruanh n’gâng kan nchră nau dak Nga Sergei Ryabkov ndŏ luh lơ 13/4 bah năp nŭih nkoch mbơh nau. Kruanh n’gâng kan Sergei Ryabkov mbơh, lah Mỹ mô uănh gay nau mĭn mpeh nau tâm ton Trong trôk pơk ân tât dŭt khay 5, ri Nga mra njoăl nau mbơh đă ân ăp ding mpeh nau kan Nga rhuăt luh bah nau tâm ton aơ. Tât rnôk aơ, Moscow ê saơ Washington uănh njrăng ngăn tât nau kan plŏ tay nau tâm ton ma uănh khlay nau kan nsrŭng lơi nau rklaih kan aơ./.

Nŭih rblang: H’Thi