VOV4.Mnông-  Tổng thống Nga Vladimir Putin mhe geh rơh tâm nchră điện thoại đah Thủ tướng Đức Angela Merkel n’hanh Tổng thống Pháp Emmanuel Macron. Nuĭh leo kan pe dak ntĭm đă an geh tâm nchră tay mpeh nău dơi ƀư rơh rƀŭn nchră mpeh nău leo kan rƀŭn nchră gâl têh bâh ăp nuĭh leo kan poăn dak Normandy (geh Nga, Pháp, Đức, Ucraina) gay ma doh rklaih ăp nău tâm rkeh ta Ukraina. Ta rơh tâm nchră ngơi, nău mĭn rvê geh tât ntrong kan doh rklaih tâm rkeh ta Ukraina lĕ geh tâm nchră na nê̆. Nkre lah, pe nuĭh leo kan Nga-Pháp-Đức nkah nău khlăy bâh nău ƀư tĭng ăp nău tâm ton Minsk kơt du ntŭk mô dơi rgâl. Ăp kruanh n’gâng kan nchră nău đah dak bah dih bâh poăn dak mbra ntĭm đă ăp nău mpŏng tât leo ƀư du rơh rƀŭn nchră tĭng nău kan aơ ta gâl kan khân păng. Ăp ding lĕ tâm ban ŭch, mbơh ăp nău kan tâm di, mĭn uănh ăp nău bôk năp lor mpeh nău dơi ƀư du rơh rƀŭn nchră gâl têh Normandy, lah tâm di.

Nuĭh rblang: Thị Đoắt