VOV4.M’nông: Lơ 27/10, ntoh nau ta nar rƀŭn gưl prêh Đông Á (EAS) tal 16 geh tĭng nau kan trực tuyến, Tổng thống Nga Vladimir Putin kơl an nau ndâk nau tâm kơp dơn ndrăng nơm ăp nkô̆ chuh njrăng vắc xin Covid-19 gay pơk trong ueh tâm nau hăn ro bah ƀon lan. Tổng thống Nga Vladimir Putin hŏ geh nau ntoh ngơi ta rơh rƀŭn, ntoh nau kơl an mpeh nau ndâk nau kan tâm kơp dơn ndrăng nơm bah ăp nkô̆ nau chuh n’gang Covid-19. Tổng thống Putin lah rjăp, Nga dôl nsôih “rgop nau kan ngăn gay ma rklaih ăp nau kan đăp mpăn nau geh dŏng vắc xin mô roh prăk ndrel mô geh nau tâm nkhah” njrăng Covid-19 ân ƀon lan bah ăp dak. Wa mbơh, vắc xin Sputnik-V bah Nga hŏ geh ndơn tâm 70 dak lam ntur neh, ndrel 50 tâm rnoh nê dôl geh pă tâm ntŭk./.

Nŭih rblang: H’Thi