VOV4.M’nông: Ntoh nau êp rơh rƀŭn rơh rƀŭn gưl prêh G20, Kruanh n’gâng kan Nga Sergey Lavrov mbơh, Nga mra kơl an ngăn nau mĭn plơ̆ tay nau nchrăp kan ndrak nsiu Iran 2012 ma ăp ding hŏ kí ton. Tĭng Kruanh n’gâng kan Nga, ăp ding dôl n’hao nau tâm nchră gay ma plơ̆ tay nau nchrăp. Kan ntop tay ăp nau ntrŭnh, nau đă mô lah nau êng kŏ mô geh mpeh Iran ndơn ndrel Nga kơl an ăp nau ƀư aơ. Ăp ding tă râng kí ton ân geh kơt tĭng ăp nau nchrăp ân tŏng. Kŏ tâm rơh rƀŭn G20, ăp rđau kan Pháp, Đức, Anh ndrel Mỹ mra ƀư ăp rơh rƀŭn êp nê, gay nchrăp nau kan ndrak nsiu Iran. Tâm di nau ton lah nsum, Thủ tướng Đức, Tổng thống Mỹ, Thủ tướng Anh ndrel Tổng thống Pháp hŏ đă Tổng Iran mât ân nâp nau kan gay ma Mỹ dơi plơ̆ nau tâm nchră nau kan ndrak nsiu Iran gay ma njrăng rdâng nau tâm mô ueh, mô geh nau dơi ân ăp dak./.

Nŭih rblang: H’Thi