VOV4.M’nông - Chính phủ Nga nar (9/11) lĕ nkoch klach rvê đah ăp nu nău ta n’har bri Ba Lan n’hanh Belarus nkual dôl geh nău hang rbăn nuĭh trơn gŭ dôl joi trong hăn rlău n’har bri Ba Lan joi trong lăp tâm ăp dak Tây Âu sâm ndrŏng. Ntoh ngơi ta rơh rƀŭn mbơh, nuĭh ntoh ngơi điện Kremlin Dmtry Peskov an gĭt, Nga dôl tâm ôp ngơi rjăp đah ăp kruanh dak Belarus mpeh nău aơ, nkre kuăl jă ăp ding ƀư du trong lĕ nău kan.

Ta năp nĕ, ndrel nar, Ba Lan ntôn Belarus an ăp mpôl nuĭh trơn gŭ dah rŏng hăn tât n’har bri. Kruanh N’gâng kan Nội vụ Ba Lan kuăl jă Liên minh châu Âu kơt dŏng ăp trong rmal rjăp lơn đah Belarus tâm rnôk ăp dak Ban tích kơt Lít va, Lát-vi-a n’hanh Ét-xtô-ni-a an nău kuăl jă tâm ban. Mpeh đah nơm, Belarus ntlơi lĕ nău ntôn aơ.

Nŭih blang: Y Sưng Phê Ja