VOV4.M’nông: Ntoh nau ta rơh rƀŭn mô ngăn bah rđau kan ăp jâng văng sa kan nsum tâm nchră tâm boh nau kan văng sa Châu Âu-Thái Bình Dương (APEC) geh tâm nau ƀư trực tuyến tâm lơ 16/7, Tổng thống Nga Vladimir Putin ton lah ăp dak ân geh ndrel tâm boh ƀư nau kan, rgum n’hâm tâm nau njrăng rdâng srê Covid-19 kŏ kơt lah rklaih ăp nau kan ma srê lơi ba kơi. Tổng thống Nga ân lah, nau kan geh lăp dŏng ndrel pă ân tâm ban ăp ntil ƀư xét nghiệm, vắc xin, dak si ndrel ndơ dŏng njrăng săk jăn ân tât rnôk aơ ê geh rklaih ơm. Nga kŏ lah rjăp nau kơl an rnôk aơ lah n’hao nau kan chuh n’gang vắc xin ndrel dak aơ mra tâm rgop ngăn đah ăp dak kan nsum APEC tâm nau kan khlay kơt lah nau chuh n’gang tâm lam hvi./.

Nŭih rblang: H’Thi