VOV4.M’nông: Bộ Ngoại giao Nga mhe ndơ̆ luh nău mbơh njrăng lor, tâm boh Nga- Mỹ hŏ tât chông tâm ndăng klach rvê, nkre lah rjăp tay đŏng lah trong ƀư mpet lơh bah Mỹ mbra mâp nău rlăch dun dŭt hô bah Nga. Nău mbơh dja hŏ dơi ndơ̆ luh nar 21/7, lôch du rơh hop tă bah Ngoại trưởng Nga Sergei Lavrov ƀư tơm. Nău mbơh bah Bộ Ngoại giao Nga nkre lah rjăp đŏng, tâm nchră gưl têh nar 16/6 mhe aơ đah Tổng thống Nga Vladimir Putin n'hanh Tổng thống Mỹ Joe Biden hŏ pơk luh du trong plơ̆ tâm nchră tay geh nău tâm rgop tâm du đêt trong kan ma nău geh bah ăp ding tâm păch nsum. Yơn lah, ăp trong tâm boh kơt nê dơn geh nău dơi rnôk bar ding tĭng jăp ăp nău way tâm uănh khlay nsum, geh nău tâm ban n'hanh mô lăp rglah tâm nău kan êng dơm./.

Nuĭh rblang: Điểu Thân