VOV4.M'nông: Tâm rnôk hăn khâl ngăn Liên bang Nga, nar 27/9, Bộ trưởng Ngoại giao Việt Nam Bùi Thanh Sơn hŏ geh rơh pah kan đah Prăk nkrem ntuh kơl na nê̆ bah Nga gay ntrŭt ntrôl pă an n'hanh ndơ̆ rgâl công nghệ ƀư njêng vaccine Sputnik V an Việt Nam. Bộ trưởng Bùi Thanh Sơn rnê âk nău Prăk nkrem ntuh kơl na nê̆ Nga hŏ uănh an n'hanh ndơ̆ njuăl sinh phẩm gay ƀư njêng vaccine Sputnik V ta Việt Nam; dăn đă an pă lor vaccine an Việt Nam dŭt ơm tĭng rnoh ngăch hŏ tâm ban ŭch. Tổng giám đốc Prăk nkrem na nê̆ Nga Kirill Dmitriev ton ntrôl ngăch ndơ̆ jao vaccine Sputnik V n'hanh mbra ndơ̆ rgâl công nghệ ƀư njêng gay tŏng pă an bah Việt Nam, hăn tât pă an ăp dak êng ƀa ƀă tâm nkual./.

Nuĭh rblang: Điểu Thân