VOV4.M'nông: Ngoại trưởng Nga Sergei Lavrov nar 27/12 mbơh, ăp kruanh kan tâm boh dak bah dih n'hanh kruanh mât bôk kan tahen bah Nga mbra ƀư ăp rơh tâm nchră đah mpeh Mỹ tâm khay tât mpeh săk nchih đăp mpăn rnă njrăng ma Nga ŭch geh bah Mỹ. Tâm nchră mbra ƀư lôch nar rlu năm mhe bah Nga, đah nar pah kan ngăn lor bôk năp bah năm 2022 ta dak dja lah nar 10/1. Mpeh Nga mhe mbơh hŏ dơn geh n'hanh dôl mĭn uănh du nău dăn đă êng bah Nhih pah kan tâm ton tahen Bắc Đại Tây Dương (NATO) gay ntơm tâm nchră mpeh ăp nău klach rvê mpeh rnă njrăng bah Nga tâm nar 12/1 tât. Nar 17/12 mhe aơ, Nga hŏ ndơ̆ luh trong nchrăp gay dăn đă rnă njrăng ma dak dja ŭch ký ton đah Mỹ n'hanh ăp dak lăp kan nsum NATO êng ƀa ƀă. Ăp nău dăn đă lĕ ma đăp mpăn rnă njrăng nsum ta châu Âu, mô n'hao grăp ŭnh pănh dêh n'hanh prêh dah găp tâm n'glĕ nău tât nsum bah NATO mô pơk hvi mpeh luh nar đah ăp dak cộng hòa mpeh Liên Xô ntơm nơh wăr Nga./.

Nuĭh rblang: Điểu Thân