VOV4.M’nông-Nar 21/12, Tổng thống Nga Vladimir Putin an gĭt, Nga mbra ntơm tâm nchră mpeh nău nchrăp văn kiện mpeh mât đăp mpăn rnă njrăng đah Mỹ n’hanh ntŭk kan tâm ton bắc Đại Tây Dương NATO, nkre lah mpơl nău ŭch ăp rơh tâm nchră aơ mbra geh nău kan rdâk njêng. Ta năp nĕ, kruanh n’gâng kan nchră nău đah dak bah dih Nga lĕ ndơ̆ mbơh 2 nău nchrăp văn kiện mpeh mât đăp mpăn pháp lý bâh Mỹ n’hanh NATO đah rnă njrăng bâh Nga. Tĭng nău nchrăp aơ, NATO an geh tâm ton ngluh Ukraine lăp ntŭk kan ndrel n’hanh pơk hvi tay lơn rmôt kan ndrel; mô geh mbơh ƀư tay âk nău kan tahen êng ta nkual neh Ukraine n’hanh ăp ngih dak êng ta Đông Âu, trung Á. Đah Mỹ, dak aơ an geh tâm ton mô pơk hvi NATO tay lơn đah mpeh luh nar n’hanh mô geh nglăp tay ăp dak ntơm nơh lah dak kan ndrel bâh Liên Xô ơm.

Nuĭh rblang: Thị Đoắt