VOV4.M’nông: Nga tâm lơ 29/6 kơp dơn mô dơi geh nkô̆ nau tŏng chuh vắc xin Covid-19 ân 60% rnoh nŭih Nga tâm yan mih năm aơ. Ntoh nau bah năp ntŭk nkoch mbơh nau, nŭih ntoh ngơi Điện Kremlin Dmitry Peskov mbơh, rnoh geh chuh n’gang vắc xin njrăng rdâng srê Covid-19 tâm pơh rlau aơ geh nau hao âk. Yơn lan, bah năp nê, rnon nŭih geh chuh vắc xin Covid-19 tâm Nga dêh ngăn n’ăp ma rnoh văc xin ntrŭnh nau chuh dơm ndrel mro geh tâm lam dak. Ndri ma, nkô̆ nau chuh ân 60% rnoh nŭih tâm yan mih aơ hŏ ntruch tay. Bol ma lah dak bôk năp ân geh dŏng tâm lam ntur neh dŏng vắc xin Covid-19, rnoh chuh n’gang ta Nga lŏ dêh ngăn rđil đah Mỹ ndrel ăp dak Châu Âu. Tâm nau nsôih n’hao chuh n’gang ngăch bah năp nau ntưp rêng bah ntil kman Delta, n’gâng kan âk nkuăl ta Nga hŏ ndŏ luh ăp nau nkah đă ƀon lan kơt lah nau geh nkhôm ndeh têh mô lah ngih rnôk hăn chuh vắc xin./.

Nŭih rblang: H’Thi