VOV4.M’nông: Bah năp nau dôl ma duh jêr tâm nau tâm boh đah Nga ndrel Mỹ tâm rơh rlau aơ, Thư ký báo chí bah Tổng thống Nga Mditry Peskov mhe ntoh, Nga mra ân geh ăp nau mô ueh ngăn tâm nau tâm boh ma Mỹ. Ơh nau ôp bah Phóng viên, wa Dmitry Pescok lah rjăp, tâm ăp nau kan bah Mỹ nchâp Nga ân nchrăp nau tât mô ueh. Wa ân lah, Mỹ dôl ma n’huch nau tâm boh ma Nga mpeh nau kan văng sa ndrel khoa học du trong mô nâp, nau aơ khuch ân nau tâm boh bar ding. Bah năp nê ntoh nau ta nar rƀŭn mbơh, Kruanh n’gâng kan Nga Sergei Lavrov hŏ ton lah, Nga mra dun ăp nau tât mô geh nau nơih tă bah Mỹ. Wa ân lah ăp nau kan ntrŭt dăng tâm boh 2 dak dôl tât tâm nau mô ueh ndrel lah rjăp, ăp nau kan ma Mỹ nchrăp luh rnôk ƀư nau mhal đah Nga lah mô dơi geh./.

Nŭih rblang: H’Thi