VOV4.M’nông: Tổng thống Nga Vla-di-mir Pu-tin mhe mbơh dak aơ mra ƀư ăp ntil nau kan tâm nau dơi bah nơm gay ma rklaih nau rŭng răng mpeh nau lăp gŭ der tâm nkuăl n’har bri Belarus- Ba Lan. Nau ton lah bah Tổng thống Putin geh ndơ̆ lih tâm rnôk âk jêt rbăn nŭih lăp gŭ, ngăn lah tă bah Trung Đông ndrel Châu Phi, hŏ tât ngăn Belarus tâm ăp khay êp aơ đah nau ŭch rlet trong n’har bri tât ngăn Ba Lan ndrel ăp dak Bal-tic. Tổng thống Putin kŏ dun lơi ăp nau ntôn lan Nga geh tât nau rŭng răng tâm rơh aơ, nkra kuăl jă ăp dak ân geh rklaih êng đah ăp nau kan êng bah nơm, mô geh tâm nduih lah nau kan aơ ân dak êng. Nau rŭng răng mpeh nŭih lăp gŭ du der tâm nkuăl n’har beu Belarus đah Lat-via, Lit-va ndrel Ba Lan hŏ lơn ma geh nau duh jêr hô tâm lơ 8/11, jêh rnôk âk rbăn nŭih hăn ntrơn du tă bah Trung Đông, Bắc Phi hăn tât ta aơ ntơm bôk năm tât rnôk aơ, du đê̆ nŭih tâm rnoh aơ nsôih lăp ngăn tâm nkuăl neh bah Ba Lan./.

Nŭih rblang: H’Thi