VOV4.M'nông: Tổng thống Mỹ Joe Biden n'hanh Tổng thống Nga Vladimir Putin nar 7/12 rgum nchră pơk sŏng dăng gay nkra ăp nkô̆ nău bar ding lĕ ma dak bah dih, lơn lah nkô̆ nău Ukraine n'hanh nsrôih pơk hvi tât mpeh luh nar bah NATO. Bol ma nău kan geh nkrum ngo yor ăp nău rkeh n'hanh tâm mưch rmot, yơn măt êng bar ding an saơ nău nsrôih mô an duh jêr geh ntrôl ngai n'hanh jêng du rơh duh jêr, đah ăp nău tât khuch rlău nău dơi mât kân. Ăp dak phương Tây mhe aơ mô rlu nduih lah Nga n'hao âk tahen gŭ kêng n'har bri Ukraine, bol ma nău Nga lah rjăp nău n'hao tahen gŭ wăr neh dak bah he nơm dơm yor gay njrăng n'gang neh dak. Nchroh mpeh rơh tâm mâp, ăp nuĭh uănh blang nău ta Nga n'hanh Mỹ an lah da dê, bol ma nău mĭn jêr ma dơi nkra, yơn nău dơi dŭt mpŏng kâp lah bar kruanh rđău kan mbra mpơl nău nkân nkân n'hanh ton bah hao jêng duh jêr./.  

Nuĭh rblang: Điểu Thân