VOV4.M’nông: Tĭng nău mbơh bah Bộ Ngoại giao Nga, ta Geneva, Thuỵ Sĩ, ăp mpôl đă hăn kan tă bah Thứ trưởng Bộ Ngoại giao Nga Sergei Ryabkov n'hanh Thứ trưởng Bôk năp Bộ Ngoại giao Mỹ Wendy Sherman hŏ ƀư tâm nchră mpeh trong tât bah ăp ding mpeh nkô̆ nău đăp mpăn trong kan têh jong, mpŏng mât kân dơi ndrak nsiu hạt nhân n'hanh ăp trong nkra hŭch bah rmoh rman. Đại sứ Nga ta Mỹ Anatoly Antonov mpơl nău lah rjăp đŏng, Nga mbra tâm nchră đah Mỹ mpeh ăp ntil ndrak nsiu geh nău dơi têh jong, mbra lah hạt nhân mô lah mô geh hạt nhân, ndrak nsiu rdôl lơh n'hanh rnă njrăng, nkre an gĭt Nga hŏ dăn đă njêng du trong mât uănh rnă njrăng mhe. Nar 27/7, Thứ trưởng Bộ Ngoại giao Nga Sergei Ryabkov mbơh an lah Nga hŏ njuăl an Mỹ nău dăn đă ma si ƀŭt mpeh đăp mpăn têh jong./.

Nuĭh rblang: Điểu Thân