VOV4.M’nông: Tâm di nau mbơh geh ndơ̆ luh mpeh nau tă geh bah rơh rƀŭn gưl prêh Nga-ASEAN tal IV, Nga ndrel rmôt ăp dak Đông Nam Á (ASEAN) ntoh nau rvê ngăn mpeh nau hun hao bah nau kan ta Myanmar, kuăl jă dak aơ ƀư ăp nau nchrăp tâm khay puăn. Tâm du nau mbơh lah rjăp, Nga ndrel ASEAN hŏ tâm nchră mpeh ăp nau tât mhe ngăn tâm Myanmar ndrel ntoh nau rvê mpeh nau kan bah neh dak aơ, geh n’ăp ma ăp nau mbơh mpeh rnoh nŭih khĭt rmanh ndrel tâm lơh. Nkre lah, ASEAN ndrel Nga kuăl jă Myanmar, ăp dak ma ntoh măt mô râng ăp rơh rƀŭn gưl prêh bah rmôt rơh aơ, ƀư ăp nau ton tâm khay puăn bah khân păng. Nau aơ geh nau nsrŭng ndal nau tâm lơh ndrel ƀư nau nkân ngăn bah ăp ding. Ăp rđau kan kŏ rnê ngăn nau pă kơl an ân ƀon lan Myanmar ndrel nau kơl an geh tă bah ăp dak ba dih bah rmôt, tâm nê geh Nga, gay ơm ƀư ăp nau nchrăp./.

Nŭih rblang: H’Thi