VOV4.M’nông: Lơ 17/8, Kruanh n’gâng kan nchră nau Nga Sergei Lavrov mbơh, Nga dôl ma tâm nchră đah Liên minh Châu Âu (EU) mpeh nau kơp dơn nsum tâm săm ƀŭt kơp dơn geh chuh njrăng rdâng srê Covid-19. Ntoh nau ta du rơh rƀŭn tâm mâp đah ăp cán bộ ntĭm nti bah nkuăl Kaliningrad, Kruanh n’gâng kan nchră nau Nga Sergei Lavrov mbơh, du đê̆ nau kan kỹ thuật ndrel pháp lý dôl ma geh rklaih. Wa ân lah, hôm geh ơm ăp nau nkân rdâng ƀư nau kan aơ hôm geh mbrơi. Yơn Nga hŏ nchrăp mra ndrel lŏ tâm nchră ƀư nau kan ân ngăn ndrel blau mhe. Mat-xcơ-va ŭch lag mra geh dơi tŏng ăp nau ŭch ân geh nau dơi bah ƀon lan Nga ndrel bah ƀon lan bah ăp dak EU. Bah năp nê, nŭih ntoh măt EU ta Mat-xcơ-va Markus Ederer lah, Liên minh Châu Âu hŏ đă đah N’gâng kan dak si Nga nchră mpeh nau kơp dơn nsum bah ăp nau kơp dơn geh chuh n’gang tâm bôk khay 7./.

Nŭih rblang: H’Thi