VOV4.Mnông- Nar 4/11, kruanh leo kan bar ngih dak Nga n’hanh Belarus lĕ ký âk nău ntrŭnh lăp kan ndrel bâh ngih dak kan ndrel. Tổng thống Nga Vladimir Putin n’hanh Tổng thống Belarus Alexander Lukashenko lĕ ký nău ntrŭnh lăp kan ndrel bâh ngih dak kan ndrel ta rơh rƀŭn nchră bâh Hội đồng ngih dak gâl têh. Nuĭh leo kan bar ngih dak lĕ tâm ban ŭch 28 bôk nău kan lăp kan ndrel geh an dŏng ta khay 9, tâm ban ăp ntrong kan tơm gay ma ƀư tĭng ăp nău tâm ton njêng ngih dak kan ndrel lvang năm 2021-2023. Ta năp nĕ, ta ăp rơh tâm nchră ta Điện Kremlin ta khay 9, Tổng thống Putin n’hanh Tổng thống Lukashenko lĕ tâm ban ŭch mpeh 28 bôk nău kan tâm ngih dak kan ndrel. Ăp nău ntrŭnh aơ gay ma dơn ngoăy luật pháp bâh Nga n’hanh Belarus tâm ăp ntrong kan wăng sa, mât uănh ntung trong.

Nuĭh rblang: Thị Đoắt

\