VOV4.Mnông-Ta nar 10/1 năm tay, Nga n’hanh Mỹ mbra geh ƀư rơh tâm nchră mpeh rnă njrăng gay ma tâm nchră mpeh ăp nău kan tahen bâh 2 ding n’hanh nău ta nkual Ukraine. groi kruanh nchră nău đah dak bah dih Nga Sergei Ryabkov lĕ mpơl nău ŭch ăp rơh tâm nchră đah Mỹ ta Giơ ne vơ mbra ntơm ƀư tay  du ntrong kan nsĭt tay an Nga ăp rơh mât đăp mpăn rnă njrăng mhe bâh phương Tây. Rlău ma nĕ, wa Riacop lĕ uănh năl, Nga n’hanh NATO mbra leo ƀư tâm nchră mpeh rnă njrăng ta nar 12/1 ta Brussel, dak Bỉ. Ta năp nĕ, nar 17/12, kruanh n’gâng kan nchră nău đah dak bah dih Nga lĕ mbơh bar nău nchrăp tâm ton mpeh mât đăp mpăn rnă njrăng geh tâm di pháp lý đah Mỹ n’hanh NATO, tĭng nĕ Nga ŭch nklơi ăp nău nchrăp pơk hvi nău pah kan bâh NATO mpeh luh nar châu âu, năp lor lah ta Ukraine ma Nga mbơh lah mbra geh mô đăp mpăn rnă njrăng đah Nga.

Nuĭh rblang: Thị Đoắt