VOV4.M’nông: Tĭng nău mbơh bah Bộ Ngoại giao Trung Quốc, wa Dương Khiết Trì, Ủy viên Bộ Chính trị - Chủ nhiệm Văn phòng Ủy ban Pah kan tâm boh dak bah dih trung ương đảng Cộng sản Trung Quốc hŏ hăn tât Nga nar 24/5 gay ndrel ƀư tơm rơh nsŏng kơl rnă njrăng jŏ jong Nga - Trung Quốc tâl 16 ndrel đah Đại tướng Nikolai Patrushev, Thư ký Hội đồng Rnă njrăng gưl neh dak Liên bang Nga. Wa Dương Khiết Trì, nuĭh dơi mĭn lah kơl trong tâm boh dak bah dih dŭt nsing nơm bah Kruanh Trung Quốc Tập Cận Bình mbra hăn khâl Slovenia n'hanh Croatia tâm rnôk hăn khâl 4 nar đŏng, ntơm bah nar 24/5. Hăn khâl bah wa Dương Khiết Trì ƀư mô jŏ lôch kruanh Trung Quốc Tập Cận Bình n'hanh Tổng thống Nga Vladimir Putin ndrel râng rơh ntoh măt pơk sŏng dăng bah ngai bah du trong nchrăp ntuh kơl ŭnh nar hạt nhân nar 19/5. Kơp ntơm bah bôk năm aơ, Trung Quốc n'hanh Nga hŏ geh nău kan ntrŭt ntrôl tâm boh dăng bar ding./.

Nuĭh rblang: Điểu Thân