VOV4.M'nông: Nga n'hanh Trung Quốc nar 9/8 ntơm ƀư rơh nti tahen nsum geh moh ZAPAD / INTERACTION-2021 ta ntŭk rgum tiăr nti kan nsum bah Tahen rklaih luh Ƀon lan (PLA) Trung Quốc ta nkual mât njrăng êng rnoi Hồi Ninh Hạ (Trung Quốc). Rơh nti tahen nsum dja ŭch gay ƀư jru hvi lơn ăp nău kan rdâng lơh mpôl lơh ndjơh nsum đah tahen Trung Quốc n'hanh Nga, nkre mpơl nău nsrôih n'hanh suan dăng nâp bah bar dak tâm nău ndrel mât rnă njrăng n'hanh đăp mpăn nô nău dak bah dih n'hanh nkual. Dŭt njrăng, rơh nti tahen nsum lĕ ma nău njêng ntŭk rgum mât bôk tahen nsum, tiăr nti nău dơi miăt uănh hôch nsum, mbơh njrăng lor gĭt ơm, hăn lơh ma thông tin, điện tử .... Rơh nti tahen nsum dja mbra ƀư tât nar 13/8 tât./.

Nuĭh rblang: Điểu Thân