`VOV4.M’nông: Nau mbơh mpeh nau mpŏng văng sa lam ntur neh bah Ngân hàng Lam ntur neh mhe mbơh n’hao nau nkah njrăng nau hun hao bah văng sa Trung Quốc năm 2021 hao 8,5% (bah năp nê nchrăp lah 7,9%). Nau mbơh kŏ n’hao nau nchrăp hun hao văng sa lam ntur neh năm 2021 lah 5,6%. Nau mbơh kơp dơn, nau ndâk njêng dăng bah du đê̆ nau kan văng sa rêh hŏ kơl an nau nchrăp hun hao văng sa lam ntur neh mhe hao 1,5 điểm gâl rhiăng rđil nau nchrăp mbơh tâm khay 1 ndrel aơ lah rnoh hun hao ngăch ngăn lam ntur neh jêh nau tŭp rŭch jâng văng sa lam ntur neh năm 1980. Nau mbơh bah Ngân hàng lam ntur neh kŏ ân lah, nau kan mô geh tâm ban bah nau kan chuh n’gang vắc xin njrăng srê Covdi-19 ndrel nau khuch bah srê ji, ăp jâng văng sa nau geh mô âk ri nchrăp mra knŭng hao 2,9% tâm năm 2021./.

Nŭih rblang: H’Thi