VOV4.M’nông – Ôi nđaơ (23/6), ta ngih pah kan N’gâng kan mât njrăng bri dak Lào, Groi thủ tướng nkre ƀư, Kruanh n’gâng kan mât njrăng bri dak Lào Chansamone Chanyalath lĕ an ntĭt mpơl rnoh prăk 200.000 đôlar an Đại sứ Việt Nam ta Lào wa Nguyễn Bá Hùng, kơl chính phủ n’hanh nuĭh ƀon lan Việt Nam njrăng n’gang srê Covid-19. Đah nuih n’hâm tâm pă jêr jŏt, kơl băl lah kơl nơm, N’gâng kan mât njrăng bri dak Lào lĕ rgŏ jă ăp cán bộ, tahen, phung pah kan rlak du gâl prăk nơm, rgop kơl Chính phủ n’hanh nuĭh ƀon lan Việt Nam geh tay prăk rchăng n’gang srê Covid-19. Đại sứ Nguyễn Bá Hùng mbơh đah Groi Thủ tướng, Kruanh N’gâng kan mât njrăng bri dak Lào Chansamone Chanyalath mpeh nu nău rdâng đah Covid-19 ta Việt Nam, ngăn lah ăp ntŭk dôl geh srê ntoh âk. Nkre mĭn lah, Đảng, Ngih dak n’hanh nuĭh ƀon lan Việt Nam mbra hăn ndrel tay, tâm kơl Lào rdâng đah me srê Covid-19.

Nŭih rblang: Y Sưng Phê Ja