VOV4.M’nông: Rơh khâl tâm 2 nar 22-23/3 bah Kruanh N’gâng kan nchră nau Nga tât Trung Quốc dôl rgum nau uănh khlay bah lam ntur neh, tâm rnôk nau tâm boh bah Mỹ lơn ma geh nau duh jêr đah 2 dak aơ. Yor ri, nau n’hao tâm boh đah Nga ndrel Trung Quốc geh ân lah nau khlay gay ma rdâng nau bah Mỹ. Lơ 22/3, Kruanh n’gâng kan nchră nau Nga ndrel Kruanh n’gâng kan Trung Quốc Vương Nghị hŏ mbơh mpeh nau tâm boh đah Nga ndrel Trung Quốc đah Mỹ, nkre tâm nchră mpeh nau kan mhe tâm nau kan lam ntur neh êng êng, nau kan ta Afganistan, Myanmar, mpeh nau kan ndrak nsiu bah Iran. Nau mĭn bah n’gâng kan gưl prêh ta Viện mĭn rvê lam ntur neh tâm Học viện quốc gia Matxcova mpeh nau tâm boh Igor Denisov ân lah, rơh khâl Trung Quốc bah Kruanh n’gâng kan Nga ntoh nau đăp mpăn tâm nau tâm boh đah Nga ndrel Trung Quốc./.

Nŭih rblang: H’Thi