VOV4.M’nông: Tâm khay 6 dja, 3 ngân hàng lah SeaBank, MSB n'hanh SHB ton an Hãng Hàng không Việt Nam (Vietnam Airlines) manh, đah lĕ rngôch rnoh prăk 4.000 rmen prăk. Tĭng nău mbơh bah Bộ Kế hoạch n'hanh Đầu tư, nuh srê Covid-19 ƀư n'gâng kan ndeh păr geh tât khuch dŭt hô, ăp hãng mpăr dôl mbrơi lĕ tơm ndơ mpeh prăk kaih, mô dơn nê Hãng Hàng không neh dak Việt Nam dâk bah meng brŏng tŭp. Vietnam Airlines roh rlău 4.800 rmen prăk tâm pe khay bôk năm n'hanh nchrăp mbra ƀư roh tay tâm 6 khay năm aơ hao tât 10.000 rmen prăk. Aƀaơ, hãng hàng không dôl geh rnoh rnon dôl trok rlău nar ton hao tât 6.240 rmen prăk n'hanh dôl tŭp tâm nău dŭt jêr jŏt. Aƀaơ, Vietnam Airlines dôl ndrel 3 mpôl ƀư an manh tâm nchră ký ton an manh, lah mô geh nău rgâl ri tâm khay 6 mô lah bôk khay 7, ăp ngân hàng mbra n'gluh tơm prăk manh 4.000 rmen prăk an Vietnam Airlines.

Nuĭh rblang: Điểu Thân