VOV4.M'nông: Nuĭh mât bôk kan tahen Myanmar an lah tahen mât bôk kan dak dja ton yor đăp mpăn n'hanh geh nău tâm ban, ASEAN ân mĭn uănh tay ăp nău kan jreh nuih n'hanh tâm lơh bah mpôl tâm rkeh chính trị. Tâm nău lah bôk năp ndơ̆ luh kơp ntơm bah rnôk ăp dak Đông Nam Á n'glêh an ntlơi wa Min Aung Hlaing luh bah tâm nchră gưl têh bơi tât yor mô geh nău ton mbơh lor 5 ntŭk, nuĭh mât bôk kan n'gâng kan tahen Myanmar lah rjăp trong nchrăp dôl dơi ƀư gay rdâk tay nău tâm ban. Aơ lah lor bôk năp tâm lịch sử njêng bah mpôl, du hê kruanh rđău kan neh dak lăp kan nsum mô dơi jă tât râng. Bah năp nê, ASEAN hŏ n'glêh an jă du hê nuĭh ntơh măt bah dih chính trị bah Myanmar gay râng tâm nchră gưl têh ntơm bah 26 tât 28/10 yơn lôch nê n'glêh an n'gluh wa Min Aung Hlaing luh bah tâm nchră dja./.

Nuĭh rblang: Điểu Thân