VOV4.M’nông: Srê ji Covid-19 dôl ma tât jêr ri ma ƀon lan ân n’huch nau luh bah dih, nau ŭch rvăt ndơ ngêt sa geh leo tât ngih âk lơn, ƀư nau kan dŏng ndơ nhựa âk lơn. Ndri mhâm ƀư gay nkre njrăng rdâng srê ân nâp tam ma hôm mât ân đăp mpăn ntŭk ntu gŭ âm, n’huch nau geh âk ndŏk nhựa. Aơ lah nau mbơh ƀư bah nau kan “Lah mô dŏng đah dĭng rhopp nhựa” yor n’gâng kan Tìa nguyên ndrel Môi trường ndrel rmôt kan Nestl Việt Nam ndâk ôi 16/7. Nau kan Lah mô dŏng đah dĭng rhôp nhựa geh tâm 2 rơh. Rơh bôk năp ntơm khay 7 tât khay 8 năm 2021, nau kan kuăl jă nau nsum tu bah ăp rmôt kan, ntŭk kan tăch rgâl, n’gâng kan pă ndơ ngêt sa ngăch, cà phê, ntŭk ndah phim, ntŭk tăch trà sữa dŏng ăp ntil ndơ kloh rgâl ma dĭng rhôp nhựa rnôk aơ. Rơh 2 mra geh tâm rnôk ntơm khay 8 tât khay 12 năm 2021 mra ntrŭnh nau kan kơt tĭng nau “Ntrong ƀư ân lam ntur neh kloh lơn” ntrŭt dăng nau nkcoh trêng tât kon se, kon se nti, ngih săm ƀŭt n’huch nau dŏng dĭng rhôp nhựa./.

Nŭih rblang: H’Thi