VOV4.M’nông: Kêng măng 11/6, N’gâng kan tơm prăk hŏ ƀư nar ndơn prăk kơl an tâm tơm prăk vắc xin njrăng, rdâng srê Covid-19 ta ưbah du đê̆ ntŭk kan ndrel ntŭk ƀư tăch rgâl. Kruanh n’gâng kan tơm prăk Hồ Đức Phớc hŏ râng ndrel pă săm ƀŭt kơ dơn ân ăp tơm ntuh kơl an. Tâm nar rƀŭn, Kruanh n’gâng kan tơm prăk Hồ Đức Phớc ndrel rđau kan Tơm prăk hŏ ndơn nau kơl an bah 5 ntŭk kan kơl an đah rnoh rlau 320 rmen. Ntoh măt cán bộ công chức trong kan Kho bạc Ngih dak, Tổng giám đốc Nguyễn Đức Chi kŏ pă tâm rnoh prăk rgop kơl an lah 3 rmen 450 rkeh. Kruanh n’gâng kan tơm prăk Nguyễn Đức Phớc rnê lah: tâm rnôk nau kan ê nkra, tăch rgâl bah n’gâng kan mâp âk nau jêr yor srê Covid-19, yơn âk ntŭk kan hôm nsôih sŏk leo dŏng tơm prăk, mô êng knŭng đăp mpăn nau kan ma hôm sŏk dŏng nê gay geh rgop tâm tơm prăk rvăt vắc xin njrăng rdâng srê Covid-19./.

Nŭih rblang: H’Thi