VOV4.M’nông – Nghị viện châu Âu lĕ an rlu uănh tâm ti hiệp ước ntuh kơl đah Trung Quốc, an tât Trung Quốc rơih jăng ăp trong rmal nchrŏng tâm ăp chính trị gia châu Âu. Nghị quyết dơi mbơh an đah 599 phiếu kơl n’hanh 30 phiếu dun n’hanh 58 phiếu mô săch. Hiệp định ntuh kơl lĕ rngôch Liên minh châu Âu n’hanh Trung Quốc lôch jêh tâm khay 12 năm e jêh 7 năm tâm nchră. Yơn lah, Hiệp định aơ mô hŏ dơi ăp dak tâm EU kơt Nghị viện châu Âu uănh an. Trung Quốc dăch aơ an rmal hao 10 chính trị gia n’hanh ăp nuĭh khoa học, ngih pah kan tâm rnglăp nchră nău bau Liên minh châu Âu, gay plơng tay ăp nău rmal bah phương Tây đah Trung Quốc. Tĭng du nghị sĩ Đức, Trung Quốc lĕ mĭn tih đah ăp trong rmal n’hanh an mĭn tay. Nghị quyết dơi mbơh an mô geh nkô̆ nău nchâp đă pháp lý yơn saơ na nê̆ nău mĭn nơm bah Liên minh châu Âu.

Nuĭh rblang: Y Sưng Phê Ja