VOV4.M’nông: Lôch 4 nar pah kan ndăn, răp jăp, dơn kan, kêng măng 8/7, Tâm nchră tâl pe Ban Chấp hành Trung ương khoá 13 hŏ rgum hop n'glĕ dŭt, wat jêh lĕ rngôch nkô̆ bôk nău kan ndơ̆ luh, lôch jêh ơm lơn rđĭl đah nău nchrăp 1 nar. Tổng Bí thư Nguyễn Phú Trọng ƀư tơm n'hanh lah n'glôch jêh tâm nchră. Đah nuih n'hâm uănh sŏng tâm nău ngăn geh, mĭn uănh ăp nkô̆ nău du trong tâm di, khoa học, Tâm nchră hŏ tâm ban ŭch uănh năl jêh geh tĭng ƀư Trong nchrăp hun hao wăng sa- rêh jêng kon nuĭh, prăk kaih gưl neh dak, ntuh kơl ngih dak jong dah găp 5 năm 2016 - 2020, n'hanh nô nău tĭng ƀư nău kan hun hao wăng sa- rêh jêng kon nuĭh 6 khay bôk năm 2021.

Nkre, an nău rgop ƀư lôch jêh nău rđău đă trong nchrăp hun hao wăng sa- rêh jêng kon nuĭh, prăk kaih ngih dak, n'hanh ntuh kơl nsum ngih dak jong dah găp 5 năm 2021 - 2025 gay hao mbơh rblang Quốc hội khoá XV mĭn uănh, n'glêh an ta rơh hop bôk năp nchrăp mbra dơi ƀư tâm kêng dŭt khay 7 dja . Tổng Bí thư Nguyễn Phú Trọng an gĭt đŏng, ta rnôk Tâm nchră Trung ương 3, Ban Chấp hành Trung ương hŏ kơi ntop sơch 2 ủy viên Ủy ban Kiểm tra Trung ương. Nkre, Trung ương n'glêh an rmal đah wa Trần Văn Nam - Ủy viên Ban Chấp hành Trung ương Đảng, Bí thư Tỉnh ủy Bình Dương ma trong n'glơh tŭp lĕ nău kan tâm Đảng; ƀư rmal wa Vũ Huy Hoàng, Ủy viên Trung ương Đảng ơm, ma trong n'gluh luh bah Đảng./.

Nuĭh rblang: Điểu Thân