VOV4.M’nông: Ngoại trưởng Israel Yair Lapid mhe mbơh păng mbra ơm hăn khâl Maroc gay êt lhăt tâm  boh mhe dơi njêng đah bar dak. Hăn khâl bah wa Yair Lapid, nchrăp tâm n'gul khay 8, mbra ntơm hăn khâl Maroc lor bôk năp bah du Ngoại trưởng Israel kơp ntơm bah rnôk bar dak plơ̆ njêng tay tâm boh tâm năm e nơh. Tĭng Ngoại trưởng Yair Lapid, hăn khâl mbra lah jâng ntơm an ăp rơh tâm ton pâl nđaih n'hanh tăch rgâl, tâm ban kơt tâm boh wăng sa n'hanh chính trị lĕ rngôch đah bar dak. Israel n'hanh Maroc hŏ tâm ban ŭch plơ̆ tay kơt ơm tâm boh tâm kêng dŭt năm năm 2020. Maroc lah ntŭk gŭ rêh bah du đêt ƀon lan bar pe rbăn nuĭh Do Thái. Ngoại trưởng Maroc nchrăp hăn khâl Israel gay pơk ăp nhih pah kan tâm boh dak bah dih./.

Nuĭh rblang: Điểu Thân