VOV4.M'nông: Ngoại trưởng Saudi Arabia, kon ndăm ka đăch Faisal bin Farhan an gĭt, dak dja dôl geh rơh tâm nchră đah mpeh Iran n'hanh rơh mâp dŭt mhe tâm nar 21/9 mhe aơ. Lah tâm rơh hop báo nsum đah nuĭh ntơh măt gưl têh mât uănh trong kan rnă njrăng n'hanh tâm boh dak bah dih Liên minh châu Âu (EU) Josep Borrell dôl khâl Saudi Arabia, Ngoại trưởng Faisal năl, ăp rơh tâm nchră đah Saudi Arabia n'hanh Iran ntơm bah khay 4 năm 2021, yơn lah, aơ lah ntơm tâm ôp suăng lor nău lư dơm. Bar dak dja hŏ bah tâm boh tâm năm 2016. Mpeh Iran mhe aơ hŏ năl, ăp rơh tâm mâp đah mpeh Saudi Arabia dôl geh ăp nău mpŏng uĕh rƀŏng tât đăp mpăn n'hanh rnă njrăng ta nkual kuel dak lêng./.

Nuĭh rblang: Điểu Thân