VOV4.Mnông – Gu\ tâm săk he nău ji pu\n rse soan ho\ lăp tâm rngok, yơn nô Nguyễn Tài Nam, ta thôn 2, xã Ea Kao, nkual [on têh Buôn Ma Thuột, n’gor Dak Lak ma nău nsrôih du\t dăng le\ rlău dơi săk nơm n’hanh tâm pă đah ăp nu^h ndrel geh nău ji ma nău kan [ư kơl êng. Đah du mblâm điện thoại ndjôt ti n’hanh trang facebook dơm, tâm bar năm aơ, Nguyễn Tài Nam le\ kơl hang rhiăng nu^h mô geh nău lap đah rnoh prăk hao tât hang rmen prăk.

Nguyễn Tài Nam deh năm 1990 ta thôn 2, xă Ea Kao, nkual [on têh Buôn Ma Thuột, n’gor Dak Lak tă kon ho\k g^t blău n’hanh du\t rah rơch. Năm hao jrô 4, ri oh ntưp ji môr rse thần kinh le\ trêng bah rngok tât jâng ty. Bôl rnăk wâl nsrôih săm yơn ji bah Nam nar lơ mbăn lơn, đah âk nău ntoh môr rplay lam săk, nsoet mbung, te\k tôr, săk rven rvo jêr hăn. Wa Nguyễn Thị Lý, mê| bah Nguyễn Tài Nam, an g^t, uănh saơ kon kop ji kơt ne\, rnăk wâl mô janh lơi, ntu\k geh nai dak si blău lah ur sai lo\ djôt kon hăn.

Hăn mô nâp Nguyễn Tài Nam mô rlu jâng hăn kơl nu\ih

Lah nsum mon Nam lah mô hôm geh ntu\k mô ho\ hăn tay. Oh nô mpeh ur, mpeh sai le\ tâm nchră gay an mon gu\ jay, moh ndơ kah ri rwa\t an pơng sa hăn mô dơi. Gâp lah đah ur đah sai dơm 2 hê ur sai le\ hăn manh an kon bah ne\ hôm ma a[aơ lah an kon gu\ ta jay mô dơi. Ngăn lah hăn trong, kh^t djôt s^t lôch hôm, ndr^ ma hăn săm an oh tât a[aơ.

Geh kop ji lơh đah săk n’hanh nuih n’hâm, yơn đah rêh têh janh, bu klô Nguyễn Tài Nam mô knu\ng rlet rlău rngot ji bah săk nơm ma hôm [ư âk nău kan ueh an kon nu\ih. Đah điện thoại me bơ\ rwa\t an tâm ôp nu\ih bên, Nam ntơm [ư facebook gay mboăt nthoi đah ăp nu\ih. Nu nău ueh bôk năp lah Nam nkoch nău rêh bah du hê nu\ih kiău ma du\t n’hâm jêr jo\t yor kop ji. Tă bah ne\, Nam le\ rgop bơi 100 rkeh prăk gay ntop kơl an rnăk nu\ih oh nô kiău ma geh prăk hăn săm ji.

Ăp nău kuăl jă Nguyễn Tài Nam rgop kơl nu\ih

Bah ne\, Nguyễn Tài Nam rgâl facebook bah nơm jêng du ntu\k ueh lo\ng. Knu\ng ntu\k tăng geh nu\ih jêr jo\t, ntu\k geh nu\ih kop ji ma mô geh prăk săm, Nam lo\ hăn tât ntu\k gay so\k rup n’hanh m^n joi g^t nău rêh rnăk wâl khân pơng jêh ne\ nchih ndơ\ tâm facebook. Nuih n’hâm ueh kơt ne\ trêng lam, Nam a[aơ le\ lah kruanh rmôt thiện nguyện Ea Kao đah bơi 700 nu\ih. Tâm 2 năm bah năp, rmôt thiện nguyên bah Nam le\ an hang rbăn nklâm ndơ an kon se, hang rbăn nklâm ndơ an ăp rnăk wâl jêr jo\t n’hanh hang rmen prăk ntop kơl an ăp nu\ih ji ach o jêr bah.

Nguyễn Tài Nam kơl nu\ih geh u\nh sa jay

Yuh Nguyễn Nga, ta phường Tân Lợi, nkual [on têh Buôn Ma thuột bên Nam bah facebook, du\t ryơk nuih n’hâm bah du hê bu klô hăn mô nâp, ngơi mô ntoh, djăt mô tăng ma nchrăp rlet rlău hang rhiăng km, hăn ăp ntu\k gay tâm pă nău u\ch ro\ng an ăp nu\ih nău rêh mô lap. Bah nău ryơk yuh Nga le\ jêng nu\ih hăn ndrel đah Nam ta trong thiện nguyện.

Bôk năp mô g^t Nguyễn Tài Nam lah moh nu\ih, saơ oh way nchih nkoch kuăl jă [ lo\ng bôk tôr tâm facebook jêng Nga kơl đo\ng. Geh du nar Nam jă mâp quán cà phê ri mô g^t Nam hăn mô dơi, mô dơi ngơi n’hanh ty mô dơi nchih. Rnôk tât mâp Nam ri du\t rngot. Lah nsum du\t ryơk Nam. Bah ne\ jêng ăp tơ\ geh bôk nău kơl nu\ih ri ăp tơ\ hăn ndrel đo\ng đah Nam.

Yuh Nguyễn Nga  đah Nguyễn Tài Nam hăn ndrel kơl nu\ih

Gay dơi geh nu nău di na nê| mpeh ăp nău rêh jêr jo\t yor kop ji, koet nte, Nguyễn Tài Nam le\ joi tât ăp ngih dak si ta n’gor Dak Lak. Knu\ng g^t nu nău geh nu\ih ji jêr bah lo\ geh nău rêh jêr jo\t dôl săm ta ngih dak si lah Nam hăn tât, nu\ih u\ch mham Nam kuăl jă mham, nu\ih u\ch prăk, Nam kuăl jă prăk. Đê| đo\ng, geh âk nu\ih mô dơi bah, rnăk wâl jêr jo\t mô dơi m^n nkra nău kh^t ôm, Nam lo\ kuăl jă ntop kơl m^n nău kh^t ôm. T^ng g^t saơ bah Nai dak si Hoàng Ngọc Anh Tuấn, Kruanh khoa Hồi sức cấp cứu nhi n’hanh nhi sơ sinh, ngih dak si đa khoa Nkual Tây Nguyên ri Nguyễn Tài Nam nkre lah nu\ih ji nkre lah “nu\ih kơl” bah nu\ih ji ach o.

Nguyễn Tài Nam kơl rnăk wâl geh nu\ih kh^t

Đah nău bah oh Nam ri aơ lah nău rêh êng, săk oh lah du hê dôl tâm rnôk săm ji geh nău n’glơi bah ăp nău ji. Yơn săk oh le\ lăp kơl an khoa du\t âk nu\ih, geh nu\ih ntop kơl prăk ndơ\ ngih dak si bah lơ, geh nu\ih ri ntop kơl tâm rnôk săm ji, n’ăp tâm trong kan rwa\t ndơ sa, dak toh an ăp mon. lah nsum du\t âk. T^ng gâp m^n nău aơ geh bah nuih n’hâm lah ngoay, tal 2 tay lah he g^t ji bah nơm n’hanh dơi g^t nău njê bah âk nu\ih ntưp ji jêng oh mư geh nău nkoch lam hvi kơt ne\.

Bah nar dơi joi nău răm tâm nău rêh lah hăn kơl ăp nău rêh jêr jo\t, jay cấp 4 bah wâl Nam ta thôn 2, xă Ea Kao, nkual [on têh Buôn Ma Thuột, n’gor Dak Lak jêng ntu\k dơn ndơ ntop kơl an nu\ih ji ach o. Năm deh hôm e du\t mom, kop ji lơh rlău 20 năm, tơn đah nău m^n, nuih n’hâm têh dăng, Nguyễn Tài Nam le\ rlet rlău săk nơm gay kơl âk nău rêh jêr jo\t lơn. Đah Nam, ueh lăng lah dơi rêh gay yô| ro\ng.

Nguyễn Tài Nam kơl ăp rnăk wâl jêr jo\t

Gâp u\ch geh du\t âk n’hâm soan gay dơi hăn âk ntu\k, kơl geh âk nu\ih, tâm pă geh âk nău u\ch ro\ng đah nu\ih ach o. Đah gâp, jao an nău u\ch ro\ng lah nău răm./.

Nu\ih rblang: Y Sưng Phê Ja