Tâm rnôk ăp nau ji jâng ty mbung, rtoh luh dak ndrel ma ji luh mham gur tâm kon se dôl ma hao lơn, mra geh nau khuch ntoh jêng srê tâm ak ntŭk, ntŭk kan dak si Dak Lak dôl ndal ntrŭnh ƀư ăp nau kan nkân njrăng nau tât. Ma nau tơm lah n’hao nau rgum săm bah ân nŭih ji; ntrŭt dăng nau răk kloh ntŭk ntu, mêt uănh kloh mpeh nau khuch ji ndrel nkân njrăng rjăp nau ntưp rêng.

Ntơm bah bôk năm tât rnôk aơ, Dak Lak kơp dơn geh 5 ntŭk geh srê jâng ty mbung đah 700 nŭih ntưp ji bah ăp nkuăl; 26 nŭih geh nau ji rtoh luh dak ndrel bơi tât 600 nŭih ji rtoh mham gur, hao âk rđil rơh aơ năm e. Ntŭk kan nkân srê ji n’gor Dak Lak hŏ ndâk rmôt kan mêt uănh, nkân njrăng ndrel ntĭm mbơh, nkoch trêng ân ƀon lan n’hao nau njrăng rdâng bah srê ji. Nkre lah, pă dak si gay ma mpuh, rao, răk kloh ntŭk ntu, njrăng srê ji./.