VOV4.M’nông: Aƀaơ, duh phang hô n'hanh sơh kro lam hvi, lơn lah ta nkual miền Trung, geh ma nău ŭnh sa bri dŭt âk ta âk n'gor, âk nkual bri dôl ta rnoh mbơh njrăng lor  ŭnh sa bri gưl IV, gưl V (gưl klach rvê n'hanh dŭt klach rvê). Gay lor nchrăp pah kan njrăng, n'gang ŭnh sa bri, Bộ trưởng Bộ Nông nghiệp n'hanh Phát triển nông thôn Lê Minh Hoan  geh si ƀŭt njuăl n'gâng kan ăp n'gor gay rđău đă an ƀư du đêt nău kan jăch ndăn mpeh n'hao dăng ăp trong nkra jăch ndăn njrăng, n'gang ŭnh sa bri. Na nê̆ rđău đă Uỷ ban nhân dân ăp gưl n'hanh ăp nhih pah kan dơi kan tĭng ƀư jăp nău dơn kan mpeh pah kan njrăng, n'gang ŭnh sa bri, n'hao âk tơ̆ hăn rsong uănh, groi nđôi mpeh pah kan njrăng, n'gang ŭnh sa bri uănh aơ lah nău kan rgum tơm; ôp uănh mpôl, ndơ dŏng, prăk kaih gay tĭng ƀư jăp trong rƀŏng "puăn ta ntŭk"; tâm pă mpôl gŭ kâp njrăng ndăng măng nar; tâm du bông khay wai; năn ngăch saơ ntŭk ŭnh sa, rgum ăp mpôl kan râng puh n'hât ŭnh sa bri ân dŭt ngăch; mô an geh ŭnh sa têh./.

Nuĭh rblang: Điểu Thân