VOV4.M'nông: Nar ntri (24/11), ta Hà Nội n'hanh Maxtcova hŏ ƀư rơh hop pơk sŏng dăng tâl 6 bah Rmôt pah kan nuĭh kan Việt Nam - Liên bang Nga. Rơh hop tă  bah wa Nguyễn Văn Hồi - Thứ trưởng Bộ Lao động Thương binh n'hanh Xã hội Việt Nam n'hanh Thiếu tướng Dimitriy Pavlovich Demidenko - Bộ Nội Vụ, Liên bang Nga ndrel ƀư tơm, đah nău tât râng bah nuĭh ntơh măt ăp Bộ, n'gâng kan geh tât bar ding. Ta rơh hop, bar ding hŏ rnê âk nău way tâm boh hop way ăp năm n'hanh Tâm pleh rmôt pah kan, nkre lah rjăp nău mât geh nău tam trong kan dja hŏ njêng luh du trong tâm boh, tâm ôp nău lư geh nău tam n'hanh năn ngăch đah bar nhih pah kan mât na nê̆ nuĭh kan ta lĕ bar dak tâm ban kơt ăp nhih pah kan geh tât mpeh mât uănh nuĭh kan ntrơn du. Lôch nê, ndrel joi luh ăp trong nkra, ntrŭt ntrôl tâm boh nuĭh kan n'hanh ndrel droh rklaih jêr jŏt ntoh luh tâm rnôk tâm boh. Bar ding pơk uănh mpeh nô nău trong nchrăp wăch rgum n'hanh sơch lăp nuĭh kan geh mpôl kan nuĭh ƀon lan Việt Nam hăn tât pah kan geh lĕ năm an ta Liên bang Nga.

Nuĭh rblang: Điểu Thân